منتدى روح المحبه

مرحبا بك اخي الزائر: نشكرك على زيارتك الكريم الى منتدى
للنواصل معنا يرجى التسجيل

منتدى روح المحبه

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
منتدى روح المحبه

    الى كل عراقي يكره الطائفية

    avatar
    Admin
    المدير العام
    المدير العام


    عدد المساهمات : 345
    تاريخ التسجيل : 14/05/2011
    العمر : 34
    الموقع : http://vip.forumarabia.com

    الى كل عراقي يكره الطائفية Empty الى كل عراقي يكره الطائفية

    مُساهمة  Admin الخميس يونيو 16, 2011 11:50 am

    بعد ماي الفرات لضيفنا نبدي ... و الگطان الازرگ ما نكر شصة
    و كل اسباب جوعي بدون استثناء ... كلها تروح فدوة لورقة الحصة
    گَبل خطار اجاني و صادفت عوز ... على خدودي شمع ذابت الگصة
    و لان تنوري طين و غيرتة من الگاع ... خلص عدنة العجين استنسخ الگرصة
    هسة شبينة ليش؟ و شختلف بالناس؟ ... اذا يلتفت ضيفك ينوكل نصة
    اهلنا البيت واحد شو صفوا ضدين؟ ... ملة تلوم ملة و بالگلب غصة
    اركض طاح اخوك بظهرة حط سجين .. لا غيرك يذبحة تفوتك الفرصة!
    سكرانة العدالة و ناس تاكل ناس ... زمن صارت **** العلوة و النصة
    طم هور الچبايش و انفي كردستان ... و بگلب الرمادي خنجرك رصة
    ولك مو عيب! و احنة اللي نشيل الراس ... شلون جفوفنا تگض راسنا تگصة؟؟؟
    اختلفنا احنة بعلي و بعمر و بعثمان ... لو يدري محمد بينا ما وصة
    المحتل اطلعة حط ايديك وياي ... يا محتل طلع بالهوسة و الخبصة؟
    گطرة حيا آنه و انت گصة
    يعرفنا النشد عنة و التگصة
    و لك احنة بجسم واحد و التگصة
    چفك لا تظن گصيت ايدية
    فدوة أرجوك تهدة و تلعن الشيطان ... عسا من غيراك ببختة و بحظة
    آنة شردت منك غير ننسى الراح؟ ... و طرفك ع الزعل بيناتنا تغضة
    انفطمنة على البنادق و انت تعرف زين ... الشُعيرة بلا نفع لو زعلت الفرضة
    آنة و ياك سيف و نذبح الجلاد ... و اذا تعجز ايدينة بلوزتة نعضة
    العباس جدنا الما احتاج چفوف ... ظل حد السنون اللازم القبضة
    چا شنهي عليمن ليش مختلفين؟؟ ... انا شنهو القبلتة و انت الترفضة؟
    يجوز الما اگضة الخلل بالچفين ... اليعبر علية چفوفك تگضة
    انا غرگان يمك آني اخو عثمان ... اللي بجسر الائمة ما صفن لحظة
    شاف الايد وحدة و ناس ضگها الماي ... و على گد الچفوف الطاحت تشظى
    أنا دجلة الخير الما نست عطشان ... و اخوي انت الفرات و ترضى ما ترضى
    اختلفنا بأولياء لله و ضعنا
    و احنا الساس للدنيا وضعنة
    و ربك ما نغير ما نغير من وضعنة
    شرط الا تحط ايدك بدية


      الوقت/التاريخ الآن هو الخميس مارس 28, 2024 5:47 pm